Mwakinyo Bado ameshikiliwa

 

 Jeshi la Polisi mkoa wa Tanga linaendelea na uchunguzi wa tukio la bondia Hassan Mwakinyo (29) anyetuhumiwa kwa kumjeruhi na kumshambulia mvuvi Mussa Ally (21) mkazi wa Sahare Jijini Tanga 

Akizungumza Kamanda wa Polisi Mkoa wa Tanga Almachius Mchunguzi amesema baada ya tukio hilo wameanza uchunguzi huku wakiendelea kumshikilia Mwakinyo. 

Kamanda Mchunguzi amesema kwamba tukio hilo lilitokea Machi 4 mwaka huu nyumbani kwa Hassan Mwakinyo ambapo baada ya uchunguzi wa shauri  hilo kukamilika watamfikisha mahakamani kwa taratibu za kisheria. 

"Mara baada ya uchunguzi wa shauri hili kukamilika mtuhumiwa atafikishwa mahakamani kwa hatua zaidi za kisheria," amesema Kamanda huyo wa Polisi mkoani Tanga

Kwa mujibu wa Kamanda Mchunguzi amesema Mwakinyo baada ya kuhojiwa alieleza kwamba, "Huyo mtu alimchukulia kama mwizi lakini kumchukulia mtu kama hivyo haimpi mtu mamlaka ya kumchukulia sheria mkononi ndio maana Jeshi la Polisi linamshikilia kuendelea kuchunguza kujua kiini cha kumshambulia mtu huyo,".

Aidha ameongeza kuwa, "Lakini kumekuwepo kwa tuhuma mbalimbali zinazomtuhumu Mwakinyo kufanya vitendo kama hivyo miaka ya nyuma Jeshi la Polisi linaendelea kufanya uchunguzi na kama kuna mtu ana taarifa hizo za nyuma azilete nitazifanyia kazi," amesema RPC.

Habari Zilizotrendi:

Zungu Spika Mpya wa Bunge la Tanzania

Image
  Mussa Azzan Zungu amechaguliwa kuwa Spika mpya wa Bunge la 13 la Jamhuri ya Muungano wa Tanzania. Zungu alipata kura 378 kati ya kura 383 zilizopigwa na wabunge katika mkutano wa kwanza na kikao cha kwanza cha bunge la 13 la Tanzania. Kwa ushindi huo, Mussa Azzan Zungu anakuwa Spika wa nane wa Bunge hilo tangu kuanzishwa kwake, baada ya kuwashinda wagombea wa vyama vingine waliopata jumla ya kura mbili pekee. Zungu aliteuliwa na chama chake, Chama Cha Mapinduzi (CCM), kuwania nafasi hiyo, huku Spika, Dk. Tulia Ackson akijitoa katika kinyang’anyiro hicho kwa sababu ambazo hazikuelezwa wazi. Zungu, atasaidiwa na Daniel Sillo ambaye ameteuliwa kuwa Naibu Spika. Miongoni mwa waliowahi kushika wadhifa huo wa Spika katika historia ya Tanzania ni Adam Sapi Mkwawa, Erasto Andrew Mbwana Mang’enya, Pius Msekwa, Samuel John Sitta, Anna Makinda, Job Ndugai, na Dk. Tulia Ackson.
Soma zaidi »

Rais Samia Suluhu Hassan afanya uteuzi wa mwanasheria mkuu wa serikali mpya

Image
  Rais wa Jamhuri ya Muungano wa Tanzania, Dkt. Samia Suluhu Hassan, katika siku yake ya kwanza ya kuanza rasmi muhula wake wa pili wa uongozi baada ya kula kiapo cha kuiongoza Tanzania, amemteua Bw. Hamza Said Johari kuwa Mwanasheria Mkuu wa Serikali. Kwa mujibu wa taarifa iliyotolewa kupitia mitandao ya kijamii na Msemaji wa Serikali, Bw. Gerson Msigwa, imeelezwa kuwa Bw. Hamza Said Johari ataapishwa siku ya Jumatano, tarehe 5 Novemba 2025, saa 4:00 asubuhi, katika viwanja vya Ikulu ya Chamwino, Dodoma.
Soma zaidi »

MWIGULU NCHEMBA NDIYE WAZIRI MKUU MTEULE

Image
Rais wa Jamhuri ya Muungano wa Tanzania, Samia Hassan Suluhu amempendekeza aliyekuwa Waziri wa Fedha na Mbunge wa Iramba Magharibi, Mwigulu Lameck Nchemba kuwa Waziri Mkuu wa serikali ya Jamhuri ya Muungano wa Tanzania. Kinachosubiriwa kwa sasa baada ya jina kuwasilishwa kwa Spika wa Bunge ni mchakato wa kuthibitishwa kwa jina hilo na bunge
Soma zaidi »